|
| 返左兩個星期convoy, 都ok 的, 困難都是我預期之中。哈哈，d 試都考得ok, 心想就快可以掛牌, 勁開心。 上個星期三是最開心的，因為上個星期consultancy meeting, william 上台拎獎，我有得獻花，有一種好飄飄然的感覺(雖然唔係我升職), 連我都受到身邊同事的祝賀，佢仲係台上多謝我地條team 每一個人, 當然有我呢位新成員la....哈哈，......夜晚成team 人就去左teddy 同ronny 開果間bar, 果晚"瘀"到死，自己隊冧自己(冧的意思其實仲係好清醒), 好彩有位美女陪住我，最終安全返到家中..... 識到convoy 同期入行的同學仔，個個都好nice.... 理財心法 金錢時間值概念 今日收到的1元, 價值高於10年後收到的1元，因為會有通貨澎涱，假設現時的年利率是3%, 10年後1元應值 1x(1+3%)(10次方) =1.343元 在金錢時間值的概念下，今日的1元叫現在值，10年後的1元叫將來值，如果10年後才收到1元，要計算回今日的價值，過程叫折算，假設息率同樣是3%, 那麼，10年後的1元等於現在的: 1/(1+3%)(10次方)=0.744元 換句話說, d 錢愈來愈貶值，而家用100蚊可以買10個hamburger, 10年後可能只得7個了.....再加上人民幣大幅升值(布殊叫吳儀咁做, 因為中國d 野太便宜，令到外國的貨品冇立足之地), d 野就會貴好多......可能大家會話, 你地會加人工，但大家若有看rich dad, poor dad 呢本書，就知道加人工唔會令自己生活水平提高(想知點解，一係問我，一係睇下本書)......... | | |
| 首先多謝支持，我一定會努力! 財富管理 讓我解開大家的投資心結: 1. 以為自己沒有足夠的財富，其實投資不一定要好多錢, 唔係好似買樓咁要俾幾十萬上期，而一些月供的基金( 基金, 不是保險)就可以為大家財富增值，金額很少, 詳請將來會分解。 2. 以為自己太年輕或太年老，其實年輕要投資，因為人生有不同的階段，包括升學，結婚，生子，退休，每每花上很多的資金，加上人口老化，如果沒有足夠的儲備，便會受財務困擾。年老更加要投資，因為年老多病，醫管局又有赤字，你說不留多些錢怎行? 3. 不願意面對生老病死等，其實呢d野一定會發生，大家及早做好準備。 4.不願意去面對經濟週期性泡沫，其實每樣事都有風險，把錢放在銀行有3厘息，但始終跑輸通脹，有貶值風險。放在家財富永遠增不到值，還可能會火警，d 錢燒清光。其實只要做好風險管理，就不用畏懼。 5.誤以為財富安排及管理費用貴，事實上管理費只佔資金的某%，最重要的係，賺回來的錢遠高於這些費用。再加上，自己是不是有專業的知識及時間去管理，社會上每人有不同的角色，有些是老師，有些是PR, 如果因為成日"gup"住個巿己令工作效率下降，社會的生產力都會拉低。因此，交給專業人士安排，自己有多d 時間陪家人，發展自己興趣，對社會貢獻更大。 6.猶豫不決，留待明天才說。這種思想最不要得，正所謂明日復明日，明日何其多? | | |
| 很高興，終於決定下星期一入convoy 做了, 很期待，我會盡心盡力做好我financial consultant 這個角色。 由今天開始，我會在blog 分享一些財富管理，投資貼士，唔係教授，因為實在不敢當，但以小妹看過的一些書本, 雜誌, 課堂及實戰經驗等，可以跟大家切磋一下，如有不當的地方，歡迎留言告訴我。 財富管理 任何人只要有人生經濟目標或需要，都必須具備財富安排及管理技巧。可是，很多人都對財富管理有不少誤解，以下讓我簡述之。 1. 以為自己並沒有足夠收入及資產，財富。 2. 以為自己太年輕或太年老 3. 不願意去面對人生必經的現實，例如死亡，傷殘及疾病。 4.不願意去面對經濟週期的泡沫，例如樓價股價暴升或暴跌 5. 誤以為財富安排及管理費用昂貴 6. 猶豫不決，有待明天才說。 以上六種因素都會令你的財富增值計劃停滯不前，下回會逐一推翻以上的疑慮。 | | |
| 上星期六和一班中學同學聚會, 還到了影樓影相, 以下的相由heidi 拍攝 
大家坐係bathtub 度...carolb, 胡慧萍, 袁雲彩，黃偉玲，張靜霞 
anna, 佢己經讀左五年中醫, 仲會係年尾考牌.....我仲俾佢把過脈添 
中間果個係我個"妹", 中學佢的學號係13, 我14, 佢叫馮嘉欣..., 而黃偉玲己經做了designer 
有隻turtle  
唐唐己經做了人地的媽咪, 佢bb女那天經常哭..... heidi 終於有相 
| | |
| 呢幾天都有一些朋友極受愛情困擾..... 我呼籲大家: 要變成一個可愛的女人，而不是等愛的女人 沒有一個男人很值得為他而哭的，值得的那個，絶不會讓你這樣做.... 是否豬年犯太歲，屬豬的愛情都不順利? 人生就好似投資一様，要分散投資，我唔係指一腳踏n 船....只不過係講唔好用d 錢買哂高風險的衍生基金(我一向都認為愛情是最高風險，最冇安全感)，而係要好好買下d 保本基金，保證基金, 外幣存款等.... 係愛情之外，仲有好多有意思的樣值得做, 例如看書，打機，或培養多些興趣，學習多些新事物，擴闊視野，這樣的人生我想會快樂, 精彩一些.... | | |
|
